លោក Todd Boehly ម្ចាស់ក្លឹប Chelsea បានធ្វើការបកស្រាយនៅក្នុងសន្និសីទមួយកាលពីម្សិលមិញទាក់ទងនឹងបញ្ហាបញ្ចប់តំណែង លោក Thomas Tuchel ពីអ្នកចាត់ការក្លឹបព្រោះលោកទាំងពីរមានការយល់ឃើញចំពោះអនាគតក្លឹបខុសគ្នា។
លោក Boehly បាននិយាយថា៖” នៅពេលដែលយើងកាន់កាប់ការងារអីមួយ យើងត្រូវច្បាស់ថាយើងមានភាពត្រូវរ៉ូវគ្នាជាមួយអ្នកដែលកំពុងដឹកនាំការងារនោះ។ Tuchel ជាមនុស្សមួយដែលមានទេពកោសល្យខ្ពស់ និងនាំមកនូវភាពជោគជ័យច្រើនដល់ Chelsea ក៏ទស្សនៈរបស់យើងសម្រាប់ក្លឹបនេះគឺរកអ្នកចាត់ការណាដែលចង់ធ្វើការជាមួយយើង “។
លោកបន្តថា៖” និយាយទៅខ្ញុំគិតថានៅ Chelsea នេះគឺមានបញ្ហាច្រើនដែលត្រូវដោះស្រាយ។ យើងមិនច្បាស់ទេថា Tuchel គាត់មើលឃើញចំណុចហ្នឹងដូចយើងឬអត់។ គ្មាននរណាម្នាក់ ត្រូវឬក៏ខុសនោះទេ គ្រាន់តែថាពួកយើងទាំងពីរមិនមានទស្សនៈការយល់ឃើញដូចគ្នាចំពោះអនាគតក្លឹបនេះ “។
ក្រោមបញ្ចប់តំណែងលោក Thomas Tuchel លោក Boehly បានតែងតាំង លោក Graham Potter មកធ្វើជាអ្នកចាត់ការថ្មីរបស់ Chelsea ពីពេលនេះតទៅ៕
